Қазақ-Американдық Университет және Ұлттық Төлем Корпорациясы "Қаржы технологиялары" саласындағы ынтымақтастық туралы меморандумға қол қойды

Қазақ-Американдық Университет (ҚАУ) және Ұлттық Төлем Корпорациясы (ҰТК) "Қаржы технологиялары" бағдарламасын дамытуға бағытталған ынтымақтастық туралы меморандумға қол қойды. Бұл серіктестік студенттерге ерекше мүмкіндіктер ашады: ҰТК сарапшыларының қатысуымен өтетін білім беру іс-шараларына қатысу, тағылымдамалар, әлемдік финтех-индустрия көшбасшыларымен байланыс, сондай-ақ ҰТК сарапшыларын бағдарлама оқытушылары ретінде тарту.

"Қаржы технологиялары" бағдарламасы алғаш рет 2024 жылдың қыркүйегінде іске қосылып, алғашқы студенттер тобы финтех әлемінің үздік маманы болу үшін қажетті білім мен дағдыларды игере бастады. Ұлттық Төлем Корпорациясының қолдауымен әзірленген бұл бағдарлама өзектілігі мен тәжірибелік бағытын айқын көрсетеді.

Жақында өткен Орталық Азия Венчурлық Форумындағы панельдік сессияда ҚАУ басқарушы серіктесі Алина Әбдірахманова университеттің білім беру бастамалары мен Yassa жобалары туралы баяндама жасады. Ерекше назар Қазақстанда алғаш рет енгізілген қаржы технологиялары бакалавриат бағдарламасына аударылды. ҚАУ осы бағдарламаны ресми түрде тіркеген алғашқы университет екені және қазіргі уақытта студенттердің бірінші курста сәтті білім алып жатқаны да атап өтілді.

Сонымен қатар, ҚАУ финтех саласында халықаралық ынтымақтастықты белсенді түрде дамытып келеді. Студенттерге саладағы үздік мамандардан білім алу мүмкіндігін беру мақсатында Visa компаниясымен келіссөздер жүргізілуде. Бұл ынтымақтастық студенттерге қажетті дағдыларды меңгеруге ғана емес, ҚАУ серіктестеріне талантты тәжірибеден өтушілер мен түлектерге қол жеткізуге мүмкіндік береді, оларды өз компанияларына шақыра алады. Университет бұл ынтымақтастық моделі аймақта қаржы технологияларының одан әрі дамуына негіз болып, студенттерді жаһандық экономикада табысқа жетуге дайындайды деп сенеді.